Мадриднинг «Реал» клуби ёзда ҳужумчи Килиан Мбаппени сотиб олмоқчи.

Кўпчилик франциялик ҳужумчини ўтган йили «Сантьяго Бернабеу»га ўтишини кутганди, аммо кейин у «ПСЖ» билан шартномасини узайтиришга қарор қилди.

Эндиликда Мбаппенинг кейинги мавсумда Парижда қолишни истамаслиги ҳақида маълумотлар пайдо бўлди.

Айни пайтда журналистлар «ПСЖ»нинг «Реал Мадрид» олдига қўяётган мутлақо ақл бовар қилмайдиган талабларидан хабардор бўлишган.

Парижликлар 150 миллион евро олса, Мбаппени Мадридга қўйиб юборишга тайёр. Лекин бу ҳаммаси эмас. Катта миқдордан ташқари, парижликлар Винисиус Жуниорни ҳам хоҳлашади.

Қайд этилишича, Мадриднинг «Реал» клуби Винисиусни дахлсиз деб билади, шунинг учун клуб бундай таклифни қабул қилмайди.