"Ницца" ҳимоячиси Жан-Клер Тодибо жамоани тарк этиши мумкин.
Манбага кўра, "Ньюкасл", "Манчестер Юнайтед" ва "Ливерпуль" скаутлари 23 ёшли Тодибони томоша қилиш учун "Ницца" - "Ренн" (2:1) ўйинига ташриф буюришди. Франциялик ҳимоячи ёзда топ-клубга ўтиши мумкин - унинг нархи 45 миллион евро атрофида бўлади.
Олдинроқ "ПСЖ" Тодибони ўз сафига қўшиб олмоқчи эканлиги ҳақида хабарлар тарқалган эди.
Футболчи 2021 йилнинг ёзидан буён "Ницца"да ўйнамоқда. Бунгача франциялик футболчи "Барселона"га тегишли эди. Жорий мавсумда у барча мусобақаларда 43 та ўйин ўтказди.
