"Nissa" himoyachisi Jan-Kler Todibo jamoani tark etishi mumkin.
Manbaga ko‘ra, "Nyukasl", "Manchester Yunayted" va "Liverpul" skautlari 23 yoshli Todiboni tomosha qilish uchun "Nissa" - "Renn" (2:1) o‘yiniga tashrif buyurishdi. Fransiyalik himoyachi yozda top-klubga o‘tishi mumkin - uning narxi 45 million yevro atrofida bo‘ladi.
Oldinroq "PSJ" Todiboni o‘z safiga qo‘shib olmoqchi ekanligi haqida xabarlar tarqalgan edi.
Futbolchi 2021 yilning yozidan buyon "Nissa"da o‘ynamoqda. Bungacha fransiyalik futbolchi "Barselona"ga tegishli edi. Joriy mavsumda u barcha musobaqalarda 43 ta o‘yin o‘tkazdi.













