“Севилья” ҳимоячиси Неманья Гудель Европа лигаси 1/2 финали биринчи ўйинида “Ювентус” билан дуранг (1:1) ҳақида фикр билдирди.
“Биринчи бўлимдан фахрланаман. Биз кўпроқ гол уришимиз мумкин эди. Иккинчи бўлимда биринчи бўлимдагидек ўйнашимиз керак бўлса-да, рақибга ташаббусни қўлга олишига имкон бердик. Аммо улар шунда ҳам катта хавф туғдирмади. Албатта, 97-дақиқада гол ўтказиб юбориш ёқимсиз, лекин биз ўзимиз билан фахрлансак ҳам бўлади. Биз уйга яхши натижа билан кетяпмиз", - дея Гуделнинг сўзларидан иқтибос келтирган УЕФА матбуот хизмати.
