Каталониянинг "Барселона" клуби вице-президенти лавозимини эгаллаб турган Эдуард Ромеу "кўк-анорранглилар"нинг ҳозирги молиявий аҳволи ҳақида гапирди.
"Барселона" молиявий томондан "реанимация"да эмас, аммо барибир "дори томчилатиб" юборилмоқда. Лекин биз яхши томонга интиляпмиз. Бир неча йил давом этади ва ҳамма нарса нормал ҳолатга қайтади. Буни бажарамиз. Биз трансфер бозорида фаол бўлдик. Энди "Барселона"да янада рақобатбардош жамоа бор, буни натижалар ҳам тасдиқлайди", - деди Ромеу Marca билан суҳбатда.
Испания чемпионатининг 33-туридан сўнг каталонияликлар 82 очко жамғариб, турнир жадвалида биринчи ўринни эгаллаб турибди.
