Исроилнинг “Хапоэл” (Беэр Шева) клубига ижарага берилган россиялик ҳужумчи Магомед-Шапи Сулаймонов учрашув вақтидаги муштлашувда иштирок этгани учун жиддий жазога тортилади. Ynet нашри хабарига кўра, футболчи 12 та учрашувга дисквалификация қилиниши мумкин.
"Мухлислар ва ассоциациядан узр сўрайман. Бу менинг Исроилдаги дебют мавсумим. Мен илгари ҳеч қачон бундай вазиятларга дуч келмаганман" - деди Сулаймонов воқеа ҳақида.
23 ёшли ҳужумчининг "Хапоэл" билан ижара шартномаси жорий мавсум охиригача ҳисобланган. Футболчининг ҳуқуқи "Краснодар" клубига тегишли.
