«Ливерпуль» бош мураббийи Юрген Клопп ҳужумчи Роберто Фирмино ва ярим ҳимоячи Наби Кейтанинг душанба куни «Лестер»га қарши АПЛ ўйинида жамоага ёрдам бермаслигини айтди.
«Фирмино ҳали жамоа билан машғулот ўтказмаяпти, у қайтишга яқин, аммо у душанбагача тайёр бўлса, бундан ҳайрон қолардим. Наби Кейта ҳақида ҳам шундай дейишим мумкин», - деди Клопп матбуот анжуманида.
Кейта ва Фирмино мавсум охирида «Ливерпул»ни текинга тарк этишади. Робертонинг кетиши аллақачон маълум, Набиники эса ҳали тасдиқланмаган, аммо уларнинг ҳеч бири муддати тугайдиган шартномани узайтиришдан манфаатдор эмас.
