Эрлинг Холанд журналистлар талқинига кўра Англияда йилнинг энг яхши футболчиси бўлди.
"Манчестер Сити" форварди 72% овоз тўплади ва АПЛ пайдо бўлганидан бери рекорд фарқ билан овозларни қўлга киритди.
“Арсенал” вингери Букайо Сака иккинчи, “канонирлар” ярим ҳимоячиси Мартин Эдегор учинчи, “Манчестер Сити” ярим ҳимоячиси Кевин де Брюйне тўртинчи ва “Манчестер Юнайтед” ҳужумчиси Маркус Рэшфорд бешинчи ўринни эгаллади.
Холанд Англияда биринчи мавсумни ўтказмоқда. У "Манчестер Сити" сафида барча мусобақаларда 47 ўйинда майдонга тушиб, 51 гол ва 8 голга ассистентлик қилган.
Англиянинг энг яхши аёл футболчиси соврини "Челси" ҳужумчиси Сэм Керрга насиб этди. У кетма-кет иккинчи марта ушбу совринни қўлга киритди.
Холанд ва Керр мукофотларни 25 май куни тантанали кечки овқатда қабул қилиб олади.
