Хорватия терма жамоаси ва Лондоннинг «Челси» клуби ярим ҳимоячиси Матео Ковачич пойтахт жамоасини тарк этишга яқин турибди.
Todofichajesга маълум бўлишича, футболчи бир вақтнинг ўзида Европанинг учта топ-клуби қизиқишлари доирасига тушган.
Манбага кўра, 29 ёшли футболчи учун курашда «Бавария», «Манчестер Сити» ва «Манчестер Юнайтед» клублари анча фаол бўлади. Эҳтимолий трансфер суммаси 40 миллион еврони ташкил қилиши мумкин.
Англия премьер-лигасининг жорий мавсумида Матео 25 та ўйин ўтказиб, битта гол урган ва иккита голли узатмага муаллифлик қилган. Унинг «аристократлар» билан шартномаси 2024 йилнинг ёзига қадар мўлжалланган.
