Собиқ футболчи Жерар Пикенинг Kosmos компанияси теннис бўйича фаолиятини бутунлай тўхтатди.

Маълум қилинишича, у теннисда ишлаган иккала шўъба корхонаси - Kosmos Tennis ва Kosmos Management агентлигини ёпган.

Kosmos Tennis "Дэвис Кубоги"га мезбонлик қилиш шартномаси бекор қилинганидан кейин ўз фаолиятини тўхтатди.

Kosmos Management ёпилишининг аниқ сабаблари айтилмаган. Шу билан бирга, ушбу йўналиш раҳбари - Гало Бланко аллақачон янги 72 Sports Group агентлигида иш бошлагани хабар қилинган. У ўзининг эски компанияси мижозлари, жумладан Андрей Рублев (Kosmos билан шу йил бошида шартнома имзолаган), Дариа Касаткина, Элина Свитолина ва Борна Корик билан ишлашда давом этади.