Чемпионлар лигасида бу ҳафта 1/2 финалнинг дастлабки ўйинлари бўлиб ўтди.
Уларда тўртта гол киритилди - «Реал» ва «Манчестер Сити» дуранг ўйнаган бўлса (1:1), «Интер» «Милан»ни мағлуб этди (2:0).
УЕФА расмий сайти саҳифаларида ярим ҳимоячи Кевин де Брюйненинг «Реал» дарвозасига урган голи энг яхши деб топилгани ҳақида маълумот жойлаштирилди.
Бельгиялик футболчи, ҳамма яхши эслаганидек, рақиб жарима майдончаси ташқарисидан туриб тўпни кучли зарба билан Куртуа дарвозасига михлаб қўйди.
Келаси ҳафтада Чемпионлар лигасининг ярим финал жавоб баҳслари бўлиб ўтади. Финалга келсак, у 10 июнь куни бўлиб ўтади.
