«Наполи» ҳимоячиси Ким Мин Же ёзда «Манчестер Юнайтед»га ўтади.

Foot Mercato хабарига кўра, инглиз клуби 26 ёшли футболчининг трансфери бўйича «Наполи» билан музокараларни бошлаган.

Манба берган хабарга кўра, «қизил иблислар» футболчига жуда юқори маошга эга бўлган меҳнат шартномасини таклиф қилишган, бироқ аниқ сумма ҳали номаълум. Эслатиб ўтамиз, жанубий кореялик ҳимоячига «Манчестер Сити» ҳам даъвогарлик қилмоқда.

Жорий мавсумда Мин Же барча мусобақаларни ҳисобга олган ҳолда 43 та ўйинда майдонга тушиб, иккита гол урди ва иккита голли узатмани амалга оширди.

Transfermarkt экспертлари футболчининг нархини 50 миллион еврога баҳоламоқда.