«Napoli» himoyachisi Kim Min Je yozda «Manchester Yunayted»ga o‘tadi.

Foot Mercato xabariga ko‘ra, ingliz klubi 26 yoshli futbolchining transferi bo‘yicha «Napoli» bilan muzokaralarni boshlagan.

Manba bergan xabarga ko‘ra, «qizil iblislar» futbolchiga juda yuqori maoshga ega bo‘lgan mehnat shartnomasini taklif qilishgan, biroq aniq summa hali noma’lum. Eslatib o‘tamiz, janubiy koreyalik himoyachiga «Manchester Siti» ham da’vogarlik qilmoqda.

Joriy mavsumda Min Je barcha musobaqalarni hisobga olgan holda 43 ta o‘yinda maydonga tushib, ikkita gol urdi va ikkita golli uzatmani amalga oshirdi.

Transfermarkt ekspertlari futbolchining narxini 50 million yevroga baholamoqda.