Мадриднинг “Атлетико” клуби ярим ҳимоячиси Аксел Витсель Бельгия терма жамоасида ўйнашни тўхтатиш истаги борлигини маълум қилди.
“Халқаро футболдаги фаолиятини тугатиш ҳақида ҳиссий жиҳатдан қийин қарор қабул қилдим. Ўтган 15 йил давомида ўз ватаним шаънини ҳимоя қилганимдан жуда фахрланаман. Энди оиламга кўпроқ вақт ажратиш ва бор эътиборимни ўз клубим учун ўйнашга бағишлаш муҳим”, — деб ёзди Витсель ижтимоий тармоқдаги саҳифасида.
Шунингдек, у терма жамоада у билан бирга бўлган барча футболчилар, мураббийлар ва ходимларга миннатдорчилик билдирди.
