Madridning “Atletiko” klubi yarim himoyachisi Aksel Vitsel Belgiya terma jamoasida o‘ynashni to‘xtatish istagi borligini ma’lum qildi.
“Xalqaro futboldagi faoliyatini tugatish haqida hissiy jihatdan qiyin qaror qabul qildim. O‘tgan 15 yil davomida o‘z vatanim sha’nini himoya qilganimdan juda faxrlanaman. Endi oilamga ko‘proq vaqt ajratish va bor e’tiborimni o‘z klubim uchun o‘ynashga bag‘ishlash muhim”, — deb yozdi Vitsel ijtimoiy tarmoqdagi sahifasida.
Shuningdek, u terma jamoada u bilan birga bo‘lgan barcha futbolchilar, murabbiylar va xodimlarga minnatdorchilik bildirdi.
