"Барселона" ва "Астон Вилла" каталониялик вингер Ферран Торреснинг трансфери бўйича музокараларга киришди, деб хабар беради Sport.es.

Манбага кўра, Матеу Алеманининг "Астон Вилла"га келиши музокаралар жараёнини тезлаштирган. "Барселона" 23 ёшли футболчини 42 миллион невродан камига сота олмайди, чунки улар йўқотишлардан қочишни исташади. Торрес Каталония клубига 55 миллион эвазига келган ва "Камп Ноу"да ўйнаган бир ярим йил давомидаги трансфер суммасини қисман қоплаган.

Хабар қилинишича, "Астон Вилла" испаниялик футболчини сотиб олиш бўйича музокаралар олиб боришнинг кўплаб вариантлари борлигига ишонмоқда. Алемани ҳам, "Астон Вилла" бош мураббийи Унаи Эмери ҳам Ферранни жуда яхши билишади ва унинг Премьер-лигада муҳим ўйинчига айланишига ишончлари комил.

Торрес жорий мавсумда “Барселона” сафида барча турнирларда 41 та ўйинда майдонга тушиб, 7 та гол урди ва 2 та голли узатмани амалга оширди. Шартнома 2027 йилнинг ёзига қадар мўлжалланган.

Transfermarkt портали футболчини 30 миллион еврога баҳоламоқда.