"ПСЖ" ҳимоячиси Ашраф Ҳакимий ёзда Париж жамоасини тарк этиши мумкин. L'Equipe хабарига кўра, Испания фуқаролигига эга бўлган 24 ёшли марокашлик ўзи тарбияланувчиси ҳисобланган "Реал Мадрид"га қайтиши мумкин.
Марокашлик ҳимоячининг парижликлар билан амалдаги шартномаси 2026 йилнинг ёзига қадар тузилган. Transfermarkt портали футболчининг нархини 70 миллион еврога баҳоламоқда.
Жорий мавсумда Ҳакимий барча турнирларда 37 та ўйин ўтказиб, 4 та гол урди ва 5 та голли узатмани амалга оширди.













