Саудия Арабистони расмийлари "ПСЖ" ҳужумчиси Лионель Мессининг "Ал-Ҳилол"га ўтиши мумкин бўлган трансферда иштирок этмоқда.
Mundo Deportivo хабарига кўра, аргентиналикнинг эҳтимолий трансфери Саудия Арабистони томонидан давлат даражасида назорат остида.
"Ал-Ҳилол" клубнинг аргентиналик билан ҳеч қандай келишуви, жумладан, оғзаки келишувлари ҳам йўқлигини тасдиқлади. Шу билан бирга, клуб Лионель Мессининг атрофидагилар билан тил топишишга ҳаракат қилмоқда. "ПСЖ" ҳужумчиси "Ал-Ҳилол"нинг асосий трансфер мақсади ҳисобланади.
Клуб парижликлар билан шартномаси жорий мавсум охирида якунига етадиган футболчи билан музокаралар олиб бориш учун барча имкониятларни ишга солишга ҳаракат қилади. Шу билан бирга, "Барселона" ҳам Лионелга даъвогарлик қилмоқда.
