"Челси" жорий мавсум якунида хорватиялик ярим ҳимоячи Матео Ковачич билан хайрлашишга қарор қилди. Todomercadoweb журналистларининг ёзишича, “аристократлар” футболчининг трансферига қатъий банд қўйишган.
Манбага кўра, инглиз клуби ярим ҳимоячи учун 40 миллион евро тўлашса, у билан хайрлашади. Хорватияликнинг лондонликлар билан амалдаги шартномаси келаси йили якунига етади.
Олдинроқ Матеога "Бавария" ва "Манчестер Сити" клублари қизиқиш билдираётгани маълум бўлганди.
Ковачич жорий мавсум АПЛда 25 та ўйинда майдонга тушиб, 1 та гол ва 2 та голли узатмага муаллифлик қилган.