"Барселона" вингери Ансу Фати "Вулверхэмптон"га ўтишни истамаяпти. Журналист Давид Бернабеунинг сўзларига кўра, испаниялик футболчи "Барселона"да қолишга қарор қилган.

Фатининг агенти Жорже Мендеш мижозини "Камп Ноу"да сақлаб қолиш учун кўп меҳнат қилиши керак бўлади. Раҳбарият Ансуни ярим ҳимоячи Рубен Невеш эвазига "Вулверхэмптон"га бермоқчи. Агент "бўрилар" сафига Фати ўрнига бошқа футболчини жўнатиб, президент Жоан Лапортани фикридан қайтаришга ҳаракат қилади. Вариантлар орасида Нико Гонсалес, Абде Эззалзули ва Сержино Дест бор.

Эслатиб ўтамиз, аввалги икки мавсумда Фати турли жароҳатлар туфайли аксарият ўйинларни ўтказиб юборганди.