"Ливерпуль" "Брайтон" ярим ҳимоячиси Алексис Макаллистерни яқинлашиб келаётган трансфер ойнасида ўзининг янги 10 рақамига айлантиришга тайёр. Бу ҳақда Liverpool Echo нашри хабар берди.
Эслатиб ўтамиз, ўтган ёзда Садио Мане "Бавария"га кетганидан кейин Юрген Клопп жамоасида 10-рақам бўшлигича қолмоқда. Макаллистер бу рақам остида "Брайтон"да ҳаракат қилади, шунинг учун "Ливерпуль" аргентиналик ўзини қулай ҳис қилиши учун қўлидан келганини қилади.
Макаллистер мавсум олдидан ўзини тўлиқ кўрсатиш учун трансфер ойнаси бошида янги жамоага ўтмоқчи. Аргентиналик ярим ҳимоячи учун курашда “Ливерпуль” ҳозирда “Манчестер Юнайтед”дан олдинда бормоқда.
