«Ньюкасл» ҳужумчиси Каллум Уилсон бугун тушдан кейин «Лидс» дарвозасига иккита гол урди - у иккита 11 метрлик зарбани голга айлантирди ва жамоасининг 2:2 ҳисобидаги дуранг натижани сақлаб қолишига катта ҳисса қўшди.
Шу тариқа, англиялик апрель ойи бошидан буён 10 та гол урди. Opta Sports маълумотларига кўра, ҳужумчи бу вақт оралиғида Европанинг топ-10 лигасида энг кўп гол урган футболчи ҳисобланади.
Умуман олганда, 31 ёшли футболчи жорий мавсумда Премьер-лигадаги рақиблар дарвозасига 15 та гол урди. Унинг ҳисобида 4 та голли узатма ҳам бор.
«Ньюкасл» АПЛда навбатдаги турда «Брайтон»га қарши майдонга тушади.
