"Бавария" бош мураббийи Томас Тухель "Шальке" устидан қозонилган ғалаба ҳақида фикр билдирди.
Мюнхенликлар Бундеслиганинг 32-турида 6:0 ҳисобида зафар қучди.
"Бу ҳақли ғалаба. Биз яхши бошладик ва охирги вақтга қараганда тезроқ ва силлиқ ўйнадик. Тартибни йўқотмадик ва қарши ҳужумларда бехатар ўйнадик. Иккинчи бўлим бошида учинчи голни киритдик ва бу ўзимизга ишонч бағишлади.
Эйфория учун ҳеч қандай сабаб йўқ, лекин бу тўғри йўналишдаги яна бир қадам эди.
90 дақиқа мобайнида кўрганимдан жуда мамнунман. Бу ўзимизга бўлган ишончни қайта тиклаётганимизни кўрсатади. Бу кўп вазиятлар яратиш ва кўп гол уришга ёрдам беради. Шу сабабли, биз яхши кайфиятдамиз, аммо бу эйфория учун сабаб эмас. Келгуси ҳафта буни яна қилишимиз керак", - деди Тухель.
