"Бавария" спорт директори Хасан Салихамиджич жамоанинг уч нафар ҳимоячисининг келажаги ҳақидаги саволга жавоб берди.
Жоау Канселу "Манчестер Сити"дан мавсум охиригача сотиб олиш ҳуқуқи билан ижарага олинган, Нуссер Мазрауи ва Бенжамин Павар эса яқинлашиб келаётган трансфер ойнасида клубни тарк этиши ҳақида миш-мишлар тарқалмоқда.
"Мазрауи "Бавария"да қолади, у ажойиб ўйинчи. Биз Паварни ҳам сақлаб қолмоқчимиз ва ҳозирда у ва унинг вакиллари билан музокаралар олиб боряпмиз. Канселуга келсак, унинг хариди ҳақида гапиришга ҳали эрта. Муҳокама йўқ экан, мавсум якунланганигача бир нарса дейиш қийин", - деди Мюнхен клуби спорт директори.
