Мюнхеннинг “Бавария” клуби футболчиси Томас Мюллер Чемпионлар лигасидаги ярим финал жавоб учрашуви ҳақида гапирди.
"Реал Мадрид" ва "Манчестер Сити" энг нуфузли еврокубок финали йўлланмаси учун курашмоқда. Испания пойтахтида бўлиб ўтган илк учрашув дуранг билан якунланганди - 1:1. Жавоб ўйини 17 май куни “шаҳарликлар” майдонида бўлиб ўтади.
"Манчестер Сити" ёки "Реал"? Шахсий нуқтаи назардан, "Реал" менга яқинроқ ва мен ҳам Давид Алаба туфайли бундай танловга мойилман" - деди 33 ёшли германиялик футболчи Kicker нашрига берган интервьюсида.
Эслатиб ўтамиз, Давид Алаба кўп йиллар давомида "Бавария"да Томас Мюллер билан жамоадош бўлган, шундан сўнг у "Реал"га ўтган эди.
