"Барселона" бош мураббийи Хави Эрнандес ярим ҳимоячи Серхио Бускетс ҳақида фикр билдирди.

"Бускетс - мен кўрган энг яхши ярим ҳимоячи. Лекин у ҳеч қачон "Олтин тўп"га номзод бўлмаган, мен буни ҳар доим адолатсизлик деб ўйлаганман. Умуман футболда адолатсиз нарсалар кўп. Бускетс мен билан бирга ўйнаган энг ақлли ўйинчи", - деди Хави Four Four Two билан суҳбатда.

Мутахассиснинг қўшимча қилишича, у Бускетсни Каталония клуби тарихидаги энг яхши таянч ярим ҳимоячиси деб билади.

34 ёшли ярим ҳимоячи жорий мавсумда барча турнирларда 39 та ўйинда майдонга тушиб, 4 та голли узатмани амалга оширди. Футболчининг “Барселона” билан тузган шартномаси шу йилнинг июнь ойи охирида тугайди. Олдинроқ "кўк-анорранглилар" Бускетс билан шартнома узайтирилмаслиги ҳақида хабар беришганди. У клубда 2008 йилдан буён ўйнаб келмоқда.