Мадриднинг “Реал” клуби футболчиси Лукас Васкес Испания чемпионатининг 34-туридан ўрин олган “Хетафе”га қарши ўйинда (1:0) жамоасининг ғалабаси ҳақида фикр билдирди.
“Бугун биз учун ғалаба қозониш муҳим эди, бу бизга ижобий динамикани давом эттириш ва чоршанба куни ишончли ўйнаш имконини беради. Ғалаба ҳар доим жамоа учун муҳим.
Мен ғалаба қозониш ва финалга чиқиш учун Манчестерга боришни жуда хоҳлайман. Жамоа нима қилиш кераклигини билади ва биз жуда ҳаяжондамиз ва бу ажойиб кеча бўлишига аминмиз. Бизда доимо ғалаба қозониш истаги бор. Биз ҳаммамиз катта воқеаларни яхши кўрамиз. Чоршанба куни биз ҳамма нарса учун ҳаракат қиламиз", - деди Васкес AS нашрига.
Эслатиб ўтамиз, Чемпионлар лигасининг биринчи ярим финал учрашувида “Реал” “Манчестер Сити” билан 1:1 ҳисобида дуранг ўйнади.
