Мадриднинг “Реал” клуби бош мураббийи Карло Анчелотти Ла Лиганинг 34-туридан ўрин олган “Хетафе”га (1:0) қарши ўйин натижаларини сарҳисоб қилди.

“Бундай ўйинларга тайёргарлик кўриш осон эмас. Биринчи бўлим жуда шиддатли бўлмади, иккинчисида биз яхшиландик, аммо жамоа бутун ўйин давомида бу масалага жиддий ёндашди. Чоршанба кунги ўйинга (Чемпионлар лигаси доирасидаги “Манчестер Сити”га қарши) яхши тайёргарлик кўришдан бошқа йўлимиз йўқ.

Ўйиндан яхши туйғулар пайдо бўлди. Модрич ва Кроос майдонга тушгач, ўйин сифати ошди, Винисиус ҳужумга шиддат қўшди. Улар формада, шунинг учун мен уларни майдонга туширдим. Умуман олганда, жамоа яхши. Менди умумий гуруҳ билан фақат икки марта машғулот ўтказди, лекин у яхши ўйин ўтказди ва чоршанбага тайёр эканлигини кўрсатди.

Камавингда оддий кўкариш бор. У 20 ёшда, у тезда тузалиб кетади", - дея Анчелотти сўзларини келтиради Marca.

“Реал” 17 май куни “Манчестер Сити”га қарши баҳс олиб боради. Чемпионлар лигаси 1/2 финалининг жавоб ўйинлари "Этиҳад" стадионида бўлиб ўтади. Бу жамоаларнинг биринчи учрашуви 1:1 ҳисобида дуранг билан якунланган.