Нидерландиялик мутахассис Эрик тен Хаг "Манчестер Юнайтед" бошчилигидаги дебют мавсумида барча мусобақаларда энг кўп ғалаба қозониш бўйича рекорд ўрнатди, деб хабар беради клуб расмий сайти.
Англия Премьер-лигасининг 36-туридан ўрин олган "Вулверхэмптон"га қарши ўйиндаги ғалаба (2:0) "қизил иблислар" учун жорий мавсумдаги барча турнирлардаги 38-ғалабаси бўлди. "Манчестер Юнайтед" тарихидаги ҳеч бир мураббий дебют мавсумида бундай натижага эриша олмаган.
Аввалги рекорд португалиялик мураббий Жозе Моуриньо га тегишли эди. 2016/2017 йилги мавсумда "Манчестер Юнайтед" португалиялик бошчилигидаги барча мусобақаларда 37 та ўйинда ғалаба қозонган. Моуриньо клуб мураббийи сифатидаги биринчи мавсумида жамоа билан учта совринни қўлга киритганди: у Европа Лигаси, Англия Лигаси кубоги ва Англия Суперкубогини ютган.
Жорий мавсум охиригача “Манчестер Юнайтед”ни Премьер-лиганинг учта ўйини ва “Манчестер Сити”га қарши Англия кубоги финали кутиб турибди, шунинг учун тен Хагда дебют мавсумидаги ғалабалар сони бўйича етакчиликни мустаҳкамлаш имконияти бор.
