Мадриднинг “Атлетико” клуби бош мураббийи Диего Симеоне билан шартномани узайтирмоқчи.
AS нашрига маълум бўлишича, жорий мавсум якунланганидан сўнг мадридликлар раҳбарияти 53 ёшли мутахассис билан учрашув ўтказади ва унда аргентиналикнинг келажаги муҳокама қилиниши режалаштирилган. Манбага кўра, агар бошлиқлар яқинлашиб келаётган трансфер ойнасида таркибни сифат жиҳатидан кучайтиришни кафолатлашса, Симеоне "Атлетико"ни бошқаришда давом этишга тайёр.
Симеоне 2011 йилдан бери матрасчиларни бошқариб келади. Мураббий ва клуб ўртасидаги амалдаги келишув 2024 йилнинг июнигача мўлжалланган.
