“Барселона” ҳужумчиси Роберт Левандовски Испания чемпионатидаги голлари сонини 20 тага етказди.
34 ёшли футболчи учрашувнинг 11-дақиқасидаёқ “Эспаньол” дарвозасини ишғол қилиб, дербида ҳисобни очди. Бу гол польяк учун Ла Лигадаги 20-гол бўлди. OPTA маълумотларига кўра, бу кўрсаткичга эришиш учун Левандовскига 30 та ўйин керак бўлган ва бутун 21-асрда фақатгина Криштиану Роналду ва Радамель Фалькао бундан ҳам камроқ ўйин ўтказиб, 20 та голга эриша олган (мос равишда 24 ва 26).
Танаффусга оз вақт қолганда Роберт Левандовски “Эспаньол” дарвозасига яна бир гол урди.
