"Ювентус" ярим ҳимоячиси Поль Погба жорий мавсум якунига қадар жароҳатини даволашга улгурмайди.
Франциялик футболчи якшанба куни "Кремонезе"га қарши А Сериядаги баҳсда кутилмаган тарзда жароҳат олди ва алмаштирилди. Correira Dello Sport хабарига кўра, 30 ёшли футболчи жорий мавсумда бошқа ўйнамайди.
Поль Погба ўтган ёзда "Ювентус"га қайтган, орадан кўп ўтмай жиддий жароҳат олган ва ўйин ўтказишга улгурмаганди. Ярим ҳимоячи фақат февраль ойи охирида майдонга қайтди. Умуман олганда, у бутун мавсум давомида ўнта ўйинда битта голли узатмани амалга оширди.
