“Манчестер Сити” ҳужумчиси Серхио Агуэро “Барселона” юлдузи Лионель Мессини 2005 йилги жаҳон чемпионатида (U-20) танимаганлигини, ҳозиргача ўша воқеани эслаб, иккалари ҳам кулишларини айтди.

“Биз “олтин бутса”ни кимга берилиши ҳақида бахслашаётгандик, кейин бир бола нимадир деди. У  ўзининг исмиг Лионель эканлигини айтди. Мен ундан “фамилиянг нима?”, деб сўрадим. У эса “Месси, Месси”, дея қайта-қайта такрорлаганди. Мен шунда ҳам унинг кимлигини эслай олмагандим. Кейин жамоамиздаги футболчилар рўйхатида унинг исми ҳам борлигини кўргандим”,- дея Агуэро DirectTV Sports га интервью берди.