"Лацио"нинг собиқ дарвозабони Марко Баллотта клубнинг лигадаги чемпионлигини жуда яхши эслашини айтди. Бу 2000 йил 14 майда содир бўлганди. Ўша куни “бургутлар” "Реджина"ни 3:0 ҳисобида мағлуб этишди, “Перуджа” эса сенсацион тарзда “Ювентус”ни мағлуб этиб, Туринликларни чемпионлик унвонидан маҳрум қилганди.
"Бу алоҳида ғалаба бўлганди. Биз ғалаба қозондик, “Ювентус” эса “Перуджа”га қарши ўйиннинг иккинчи ярмини ҳамон ўтказаётган эди. Эсимда, ўша учрашувнинг иккинчи ярмини радио орқали катта ҳаяжон билан тинглагандим. "Перуджа" гол урганида, барчамиз хурсандчиликдан портлагандик. Ўша "Лацио" ҳозиргисидан бутунлай бошқача эди. Зўр эди", - деди Баллотта ITASportPress билан суҳбатда.
