Шотландиялик мутахассис Дэвид Мойес жорий мавсум якунида “Вест Хэм”да қолиши мумкин. Sky Sports журналистларига маълум бўлишича, "болғачилар" бошлиқлари агар жамоа Премьер-лигадаги ўрнини сақлаб қолса, мураббий билан янги келишув имзолашга тайёр. Мутахассиснинг шартномаси 2024 йилгача мўлжалланган.
Англия чемпионатининг сўнгги ўйинида "Вест Хэм" "Брентфорд"га 0:2 ҳисобида мағлуб бўлди. Премьер-лиганинг 36-туридан сўнг "болғачилар" 37 очко жамғариб, турнир жадвалида 15-ўринни эгаллаб туришибди. Навбатдаги ўйинда лондонликлар "Лидс" билан учрашади. Ўйин 21 май куни бўлиб ўтади.
