Яқинда клуб билан янги беш йиллик шартнома имзолаган 23 ёшли «Милан» вингери Рафаэль Леау болаликдаги кумирлари ва «Спортинг»даги фаолияти ҳақида гапирди.
«Спортинг» дунёнинг энг яхши академияларидан бирига эга, агар энг яхшиси бўлмаса. Иккита «Олтин тўп» соҳибини дунёга чиқарган.
«Спортинг» тарбияланувчиси бўлиш катта шараф, мен у ерда футболчи сифатида ривожланиш йўлини босиб ўтганимдан фахрланаман.
«Спортинг» мен учун футбол олами эшикларини очди ва мен бу клубдан жуда миннатдорман, бу кунларни умрим давомида эслайман», – деди Леау.