Марсело Бьелса Уругвай терма жамоаси бош мураббийи этиб тайинланди.
Аргентиналик мутахассис терма жамоани ЖЧ-2026 саралаш босқичига тайёрлайди. Шартнома шартлари ошкор этилмаган, бироқ аввалроқ келишув жаҳон чемпионати учун саралаш якунига қадар ҳисоблаб чиқилгани айтилганди.
Агар жамоа турнирга етиб келган тақдирда узайтирилиши мумкинлиги ҳақида маълумот берилган эди.
67 ёшли мутахассиснинг сўнгги иш жойи «Лидс» бўлиб, у 2022 йилнинг февралида бу ерни тарк этганди.
Бу Бьелсанинг терма жамоалар билан учинчи тажрибаси бўлади. У Аргентина (1998—2004 йиллар) ва Чили (2007—2011 йиллар) терма жамоаларига устозлик қилган.
