"Барселона" "Атлетик" ҳимоячиси Иньиго Мартинес билан шартномани рўйхатдан ўтказиш учун Ла Лигадан рухсат олишига ишончи комил, деб ёзади журналист Фабрицио Романо ўзининг твиттерида.
Манбага кўра, келишув жуда тез орада расмийлаштирилади. "Кўк-анорранглилар" ярим ҳимоячиси Гавининг янги шартномасида ҳам қийинчиликлар юзага келмаслиги керак.
Қайд этилишича, Иньиго Мартинес бир неча ҳафта олдин тиббий кўрикдан ўтган ва "кўк-анорранглилар" билан икки йиллик шартнома имзолаган. Шартнома 2025 йилнинг июнь ойи охиригача амал қилади.
Жорий мавсумда испаниялик ҳимоячи "Атлетик" сафида барча мусобақаларда 20та ўйин ўтказиб, битта гол урган.
