"Вест Хэм" ҳужумчиси Майкл Антонио ёзги трансфер ойнасида жамоани тарк этиши мумкин, дея хабар беради Football Insider.
Манба берган хабарга кўра, "болғачилар" жамоада Жанлука Скамакка ва Денни Ингс каби ҳужумчилар борлигига қарамай, мавсум оралиғида Антонионинг ўрнига янги ҳужумчи топиш ниятида.
"Вест Хэм"нинг 33 ёшли ҳужумчисига "Ноттингем Форест", "Эвертон" ва "Вулверхэмптон" каби клублар қизиқиш билдирмоқда. Бу жамоаларнинг барчаси январь ойидан бери Антониони кузатмоқда.
Жорий мавсумда форвард "болғачилар" сафида барча мусобақаларда 45 та ўйинда майдонга тушиб, 14 та гол ва 3 та голли узатмага муаллифлик қилган. Антонио Лондон клубида саккиз йилдан бери (2015) тўп сурмоқда.
