"Vest Xem" hujumchisi Maykl Antonio yozgi transfer oynasida jamoani tark etishi mumkin, deya xabar beradi Football Insider.

Manba bergan xabarga ko‘ra, "bolg‘achilar" jamoada Janluka Skamakka va Denni Ings kabi hujumchilar borligiga qaramay, mavsum oralig‘ida Antonioning o‘rniga yangi hujumchi topish niyatida.

"Vest Xem"ning 33 yoshli hujumchisiga "Nottingem Forest", "Everton" va "Vulverxempton" kabi klublar qiziqish bildirmoqda. Bu jamoalarning barchasi yanvar oyidan beri Antonioni kuzatmoqda.

Joriy mavsumda forvard "bolg‘achilar" safida barcha musobaqalarda 45 ta o‘yinda maydonga tushib, 14 ta gol va 3 ta golli uzatmaga mualliflik qilgan. Antonio London klubida sakkiz yildan beri (2015) to‘p surmoqda.