"Челси" ярим ҳимоячиси Карни Чуквуэмека 20 ёшлилар ўртасидаги Жаҳон чемпионати гуруҳ босқичини ўтказиб юборади, деб хабар беради Standard нашри.
19 ёшли англиялик футболчи мавсум охиригача клубда қолади ва "Манчестер Сити", "Манчестер Юнайтед" ва "Ньюкасл"га қарши ўйинларда "кўклар"га ёрдам беради. Қарор "Челси" ва Англия ёшлар терма жамоаси ўртасида келишилган.
Бунга Н'Голо Канте ва Матео Ковачичнинг жароҳати сабаб бўлди, улар бу мавсумда энди "аристократлар"га ёрдам бермайди. Мейсон Маунт ҳам жароҳатидан қутулишда давом этмоқда.
20 май куни Аргентинада 20 ёшгача бўлган футболчилар ўртасидаги жаҳон чемпионати бошланади. Англия терма жамоасининг гуруҳдаги рақиблари Уругвай, Тунис ва Ироқ терма жамоалари.
