"Chelsi" yarim himoyachisi Karni Chukvuemeka 20 yoshlilar o‘rtasidagi Jahon chempionati guruh bosqichini o‘tkazib yuboradi, deb xabar beradi Standard nashri.
19 yoshli angliyalik futbolchi mavsum oxirigacha klubda qoladi va "Manchester Siti", "Manchester Yunayted" va "Nyukasl"ga qarshi o‘yinlarda "ko‘klar"ga yordam beradi. Qaror "Chelsi" va Angliya yoshlar terma jamoasi o‘rtasida kelishilgan.
Bunga N'Golo Kante va Mateo Kovachichning jarohati sabab bo‘ldi, ular bu mavsumda endi "aristokratlar"ga yordam bermaydi. Meyson Maunt ham jarohatidan qutulishda davom etmoqda.
20 may kuni Argentinada 20 yoshgacha bo‘lgan futbolchilar o‘rtasidagi jahon chempionati boshlanadi. Angliya terma jamoasining guruhdagi raqiblari Urugvay, Tunis va Iroq terma jamoalari.