«Манчестер Юнайтед»нинг собиқ футболчиси Пол Паркер ҳужумчи Энтони Марсьялни қўлқоп кийгани учун танқид қилди.
«Марсьяль майдонга қўлқопда киради. Англияни дунёдаги энг иссиқ мамлакатлардан бири деб айтиш қийиндир, лекин бу май ойи.
Агар сиз ҳозир қўлқоп билан кўчага чиқсангиз, одамлар кулгисига қоласиз. Марсьялнинг қўлқоп кийгани, унда нимадир нотўғри эканлигидан далолат беради. Унинг фаолияти шунга мос келмоқда», деди Паркер.
2022/2023 йилги мавсумда Марсьяль «Манчестер Юнайтед» сафида 26 та ўйинда майдонга тушди. Уларда ҳужумчи саккизта гол урди ва шерикларига учта самарали узатма берди.
