Лионель Месси ва Килиан Мбаппе Лига 1да мавсумнинг энг яхши футболчиси совринига номзод бўлишди.

Франция профессионал футболчилар иттифоқи 2022/23 йилги мавсумдаги ўйинлари учун турли номинациялар бўйича совринлар учун курашаётган футболчилар рўйхатини эълон қилди. Мукофот мавсумнинг энг яхши мураббийига ҳам топширилади.

Мавсумнинг энг яхши футболчиси бўлишга номзодлар: Джонатан Дэвид («Лилль»), Секо Фофана, Лои Опенда (ҳаммаси – «Ланс»), Килиан Мбаппе, Лионель Месси (иккаласи – «ПСЖ»).

Энг яхши мураббий соврини учун номзодлар: Паулу Фонсека («Лилль»), Паскаль Гастьен («Клермон»), Франк Эс («Ланс»), Филипп Монтанье («Тулуза»), Игор Тудор («Марсель»).

Энг яхши дарвозабон учун номзодлар: Люка Шевалье («Лилль»), Джанлуиджи Доннарумма («ПСЖ»), Антони Лопеш («Лион»), Пау Лопес («Марсель»), Брис Самба («Ланс»).

Ғолибларни тақдирлаш маросими 28 май куни бўлиб ўтади.

Килиан Мбаппе кетма-кет уч марта - 2019, 2021 ва 2022 йилларда мавсумнинг энг яхши футболчиси деб топилган (2020 йилда совринлар топширилмаган). 2022 йилда Жанлуижи Доннарумма энг яхши дарвозабон деб топилди, Бруно Женезьо энг яхши мураббий мукофотини олганди.