Sky Sports хабарига кўра, "Салернитана" "Вест Хэм" ҳужумчиси Жанлука Скамаккани сотиб олмоқчи.
Олдинроқ 24 ёшли италиялик футболчига "Интер", "Милан" ва "Ювентус" клублари қизиқиш билдираётгани хабар қилинганди. Ҳозирча ҳеч қайси клуб “Вест Хэм” билан музокарага киришмаган.
Скамакка апрель ойида тиззасидан жарроҳлик амалиётини ўтказди ва бу мавсумнинг қолган қисмини ўтказиб юборади.
Скамакка ўтган ёзда "Сассуоло"дан "Вест Хэм"га ўтган эди. Жорий мавсумда ҳужумчи лондонликлар сафида барча турнирлар доирасида 27та ўйинда майдонга тушиб, 8та гол урган. Transfermarkt портали унинг нархини 27 миллион еврога баҳоламоқда.