Франция чемпионатида мавсумнинг энг яхши мураббийи соврини учун номзодлар маълум бўлди.

Улар орасида "ПСЖ" бош мураббийи Кристоф Галтье йўқ. Мутахассис "Лилл"ни бошқарган вақтида 2019 ва 2021 йилларда Лига 1да мавсумнинг энг яхши мураббийи деб топилганди.

Бу йилги мукофотга номзодлар: Паулу Фонсека ("Лилль"), Паскаль Гастьен ("Клермон"), Франк Эс ("Ланс"), Филипп Монтанье ("Тулуза"), Игор Тюдор ("Марсель").

Ўтган мавсум якунида “Ренн” устози Бруно Женезьо энг яхши мураббий деб топилганди.

Унаи Эмери 2018 йилда мавсум якунида Лига 1да парижликларнинг энг яхши деб топилган сўнгги мураббийи бўлди.