"Барселона" ярим ҳимоячиси Пабло Торре келаси мавсум олдидан ижарага берилиши мумкин.
20 ёшли футболчи "кўк-анорранглилар" сафида асосий жамоада мунтазам машғулот ўтказмаяпти, аммо Каталония клуби таклифларга қарамай, уни қишда ижарага бермади. Sport хабарига кўра, ярим ҳимоячига бошқа клублардан қизиқиш сақланиб қолмоқда. Торрени қўлга киритиш учун фаворит "Вильярреал" бўлиб, унинг мураббийи Кике Сетьен футболчининг отаси Эстебан Торренинг азалий дўсти ҳисобланади.
Пабло Торре ўтган ёзда "Расинг"дан "Барселона"га ўтган эди. Жорий мавсумда у ўнта ўйинда қатнашиб, битта гол урди.
