"Аталанта" ярим ҳимоячиси Тён Копмейнерс "Ливерпуль"нинг ёзги трансферлар рўйхатида.
Хабарингиз бор, “қизиллар” ўрта чизиқни бир вақтнинг ўзида бир нечта ўйинчилар билан кучайтириш ниятида.
Calciomercato нашрининг ёзишича, инглиз гиганти Копмейнерснинг "Аталанта"даги муваффақиятини кузатишда давом этмоқда. 25 ёшли нидерландиялик "Ливерпуль" учун устувор мақсад эмас, лекин агар клуб Алексис Макаллистер ва Мэйсон Маунт билан шартнома туза олмаса, шартнома имзоланиши мумкин.
Тён Копмейнерснинг "Аталанта" билан шартномаси 2025 йилгача мўлжалланган ва унинг трансфер нархи Transfermarkt томонидан 30 миллион еврога баҳоланган.