Мадриднинг «Реал» клуби ҳужумчиси Эден Азар унга МЛС клуби қизиқиш билдираётганига қарамай, жамоасини тарк этмоқчи эмас.

Marca хабарига кўра, «Монреаль Импакт» бельгиялик футболчини қўлга киритишга қизиқмоқда, бироқ футболчи ҳали «қироллик клуби»ни тарк этишни истамаяпти.

Азарнинг «Реал» билан шартномаси муддати яна бир йилга амал қилади. Эден деярли ўйин амалиётига эга эмас, лекин шу билан бирга у клубдаги энг кўп маош олувчи футболчилардан бири ҳисобланади. Шу боис «Реал Мадрид» бельгияликдан тезроқ қутулмоқчи.

Азар «Реал Мадрид» тарихидаги энг қиммат трансфер бўлди. У 2019 йилда 115 миллион еврога харид қилинганди. Жорий мавсумда Эден Ла Лиганинг 6 ўйинида битта голли узатмани амалга оширди.