«Интер» ҳужумчиси Ромелу Лукаку «Реал»нинг баъзи футболчиларининг имкониятларини юқори баҳолади.
Бельгиялик футболчи бугун бўлиб ўтадиган Чемпионлар Лигаси ярим финалидан ўрин олган «қироллик клуби» ва «Манчестер Сити» ўртасидаги ўйин ҳақида фикрлари билан ўртоқлашди.
«Реал Мадрид»да Винисиус Жуниор ва Родриго каби иккита энг яхши вингер бор. Вақт ўтиши билан улар жаҳон даражасидаги футболчиларга айланишади.
Федерико Вальверде ҳақида ҳам шундай дейиш мумкин. «Манчестер Сити» билан ўйин? Умид қиламанки, энг яхши жамоа ғалаба қозонади ва финалда бизга тўқнаш келади», - деди Лукаку.
